நெருப்பாற்று நீச்சலில் பத்தாண்டுகள் - (தமிழீழ விடுதலைப்புலிகள்) - ஈழப்போராட்டவரலாறு - வெளியீடு

சாள்ஸ் அன்ரனி சிறப்புப் படையணியின் தசாப்த கால போராட்ட வரலாற்றை சித்திரிக்கும் - நெருப்பாற்று நீச்சலில் பத்தாண்டுகள் - நூல் 1.10.03 அன்று  யாழ். பல்கலைக்கழகத்தில் வெளியிடப்பட்டது.

பல்கலைக்கழக கைலாசபதி கலையரங்கில் மாலை 3.30ற்கு இடம்பெற்ற நிகழ்விற்கு சாள்ஸ் அன்ரனி சிறப்புப் படையணித் தளபதி அமுதாப் தலைமை தாங்கினார்.

நிகழ்வில் தமிழீழத் தேசியக் கொடியினை சாள்ஸ் அன்ரனி சிறப்புப் படையணி சிறப்புத் தளபதி பல்லவன் ஏற்றினார். ஈகைச் சுடரினை தாக்குதல் பிரிவுத் தளபதி பிரதாப் ஏற்றினார்.

வெளியீட்டுரையை நவம் அறிவுக் கூடத்தைச் சேர்ந்த போராளி கலைக்கோன் வழங்க சிறப்புரையை யாழ். மாவட்ட அரசியல்த்துறைப் பொறுப்பாளர் சி. இளம்பரிதி நிகழ்த்தினார். நூலினை லெப். கேணல் பல்லவன் வெளியிட்டு வைக்க லெப். கேணல் ஜெஸ்மினின் தாயார் பெற்றுக் கொண்டார்.

யாழ். பல்கலைக்கழக விரிவுரையாளர் கலாநிதி என். சண்முகலிங்கம், கவிஞர் புதுவை இரத்தினதுரை ஆகியோர் மதிப்புரைகளை வழங்கினர்.
- விடுதலைப்புலிகளின் முதற் தாக்குதல் தளபதியான லெப். சீலனின் பெயரில் உருவானதே சாள்ஸ் அன்ரனி சிறப்புப் படையணியாகும்.

இப் படையணியின் ஒரு தசாப்த காலத்தை விபரிக்கும் களப்பதிவுகள், விழுதுகள், உண்மைப் பதிவுகள் ஆகியவற்றை தாங்கியும் இதுவரை சாள்ஸ் அன்ரனி சிறிப்புப் படையணியில் இருந்து வீரச்சாவடைந்த மாவீரர்களது பெயர்களைத் தாங்கியும் வெளிவந்துள்ள இந்த நூல், தமிழீழத் தேசியத் தலைவர் அவர்கள் உட்பட களமுனைத் தளபதிகள் பலரது செய்திகளையும் கொண்டுள்ளது.

இந்த நூல் இன்று கிளிநொச்சியிலும் வெளியிடப்பட்டுள்ளது.

தகவல் - யாழிலிருந்து தயா பகவன்
1.10.03


Drucken   E-Mail

Related Articles